Kafedra umumiy faoliyati va ilmiy faoliyati haqida: Tarix va filologiya kafedrasi universitetdagi barcha ta’lim yo’nalishlari, xususan mutaxassis ta’lim yo’nalishlari hisoblangan Tarix (mamlakatlar va yo’nalishlar bo’yicha) hamda Filologiya va tillarni o’qitish ta’lim yo’nalishlariga tegishli fanlardan sifatli ta’lim berishni o’z oldiga maqsad qilib qo’ygan. Kafedra professor-o’qituvchilarining aksariyati ilmiy darajaga ega, malakali mutaxassislardan tarkib topgan bo’lib, bir qator ilmiy va pedagogik yutuqlarni qo’lga kiritishgan. Jumladan 13 nafar o’qituvchilar chet tillari bo’yicha milliy va xalqaro darajadagi C1 sertifikatiga egadirlar. 8 nafar PhD ilmiy darajasiga ega o’qituvchilar DSc ilmiy darajasini egallash uchun dissertatsiya ustida ishlashmoqda. 5 nafar yosh o’qituvchilar esa PhD dissertatsiyasini himoya qilishi rejalashtirilgan. 1 nafar o’qituvchi Erasmus + xalqaro dasturi doirasida Yevropa mamlakatlarida stajirovka o’tab kelgan. Kafedrada ko’plab xalqaro va mahalliy jurnallarda maqolalar nashr etilmoqda, 4 ta monografiya va 2 ta o’quv qo’llanmalarini nashr etish ustida ish olib borilmoqda. Tarix va filologiya kafedrasi Universitetdagi ma’naviy-ma’rifiy tadbirlarni tashkil etishda va o’tkazishda yetakchi kafedralardan biri hisoblanadi.
